پرائیویسی پالیسی
آخری تازہ کاری: 27 اکتوبر 2026
یہ انگریزی پرائیویسی پالیسی کا اردو ترجمہ ہے۔ دونوں میں کسی فرق کی صورت میں انگریزی متن معتبر ہوگا۔
رہنما آواز ان لوگوں کے لیے بنایا گیا ہے جو اپنی سب سے ذاتی معلومات، یعنی اپنے پیغامات، اپنی رقم اور اپنی دستاویزات، پڑھنے کے لیے ٹیکنالوجی پر بھروسا کرتے ہیں۔ ہم اس اعتماد کو پوری سنجیدگی سے لیتے ہیں۔ یہ پالیسی آسان زبان میں بتاتی ہے کہ ہم کون سی معلومات جمع کرتے ہیں، کیوں، انہیں کیسے محفوظ رکھتے ہیں، اور آپ کے پاس کیا اختیارات ہیں۔
ہم کون ہیں
رہنما آواز اردو اور انگریزی کے لیے ٹیکسٹ ٹو اسپیچ انجن ہے۔ اسے سینٹینگل انٹرایکٹو نے تیار کیا ہے، اسے اگنائٹ نیشنل ٹیکنالوجی فنڈ کا مالی تعاون اور وزارتِ آئی ٹی و ٹیلی کام، حکومتِ پاکستان کی سرپرستی حاصل ہے۔ اس پالیسی میں "ہم" سے مراد رہنما آواز منصوبہ ہے، اور "کمپنی" سے مراد اگنائٹ نیشنل ٹیکنالوجی فنڈ ہے، جو اس کا ذمہ دار ہے۔
یہ پالیسی rehnumaawaz.com ویب سائٹ اور ونڈوز (این وی ڈی اے ایڈ آن)، اینڈرائیڈ، آئی فون، آئی پیڈ اور میک کے لیے رہنما آواز سافٹ ویئر (مجموعی طور پر "سروس") پر لاگو ہوتی ہے۔
مختصر بات
- آپ جو پڑھتے ہیں وہ آپ ہی کا رہتا ہے۔ ونڈوز پر آوازیں آپ کے اپنے کمپیوٹر پر چلتی ہیں، اور جو متن آپ سنتے ہیں وہ ہم تک کبھی نہیں پہنچتا۔
- ہم صرف وہی معلومات جمع کرتے ہیں جو آپ ہمارے فارموں کے ذریعے خود دیں، اور وہ بنیادی تکنیکی معلومات جو سروس چلانے اور محفوظ رکھنے کے لیے ضروری ہیں۔
- ہم آپ کی معلومات کبھی فروخت نہیں کرتے اور نہ ہی اشتہارات کے لیے استعمال کرتے ہیں۔
- آپ کسی بھی وقت پوچھ سکتے ہیں کہ ہمارے پاس آپ کے بارے میں کیا ہے، اور اسے درست یا حذف کروا سکتے ہیں۔
ہم کون سی معلومات جمع کرتے ہیں
وہ معلومات جو آپ ہمیں دیتے ہیں
جب آپ ہماری ویب سائٹ کے فارم استعمال کرتے ہیں تو ہمیں وہی ملتا ہے جو آپ درج کرتے ہیں، اور اس صفحے کی زبان جو آپ نے استعمال کیا:
- رابطہ فارم: آپ کا نام، ای میل ایڈریس اور پیغام، اور اگر آپ دینا چاہیں تو فون نمبر اور شہر۔
- ونڈوز ڈاؤن لوڈ فارم: جب آپ پہلی بار ونڈوز کے لیے رہنما آواز ڈاؤن لوڈ کرتے ہیں تو یہ دکھایا جاتا ہے۔ اس میں آپ کا نام اور شہر، اور ای میل ایڈریس یا فون نمبر پوچھا جاتا ہے، اور ڈاؤن لوڈ کیا گیا ورژن محفوظ ہوتا ہے۔ یہ فارم اختیاری ہے؛ آپ اسے چھوڑ کر کوئی معلومات دیے بغیر ڈاؤن لوڈ کر سکتے ہیں۔
- ای میل اپ ڈیٹس: آپ کا ای میل ایڈریس۔
ایپس میں اگر آپ خود تلفظ کی کسی غلطی کی اطلاع دیں یا کریش رپورٹ شیئر کریں تو ہمیں وہ الفاظ یا تکنیکی تفصیلات ملتی ہیں جو آپ بھیجتے ہیں۔
خود بخود جمع ہونے والی معلومات
جب آپ ویب سائٹ دیکھتے یا سروس استعمال کرتے ہیں تو کچھ تکنیکی معلومات خود بخود محفوظ ہوتی ہیں، جیسا کہ تقریباً ہر آن لائن سروس میں ہوتا ہے: آپ کے آلے کا آئی پی ایڈریس، براؤزر یا آلے کی قسم اور ورژن، آپریٹنگ سسٹم، آپ کے دیکھے گئے صفحات، اور آپ کی آمد کی تاریخ، وقت اور دورانیہ۔ اسے استعمال کا ڈیٹا کہتے ہیں۔
آپ کے آلے پر رکھی جانے والی معلومات
ہماری ویب سائٹ آپ کے براؤزر میں ایک ترتیب محفوظ کرتی ہے: آپ نے ونڈوز ڈاؤن لوڈ فارم پُر کیا ہے یا چھوڑ دیا ہے، تاکہ وہ دوبارہ نہ دکھایا جائے۔ اگر آپ ویب سائٹ کی ڈسپلے کی ترتیبات استعمال کریں تو آپ کے انتخاب (متن کا سائز، رنگ، کنٹراسٹ، اردو رسم الخط اور حرکت) بھی آپ کے براؤزر میں محفوظ ہوتے ہیں۔ ان میں کوئی ذاتی معلومات نہیں ہوتیں، یہ کبھی آپ کے آلے سے باہر نہیں جاتیں، اور آپ براؤزر کا سائٹ ڈیٹا صاف کر کے انہیں کسی بھی وقت ہٹا سکتے ہیں۔ ہم اشتہاری یا ٹریکنگ کوکیز استعمال نہیں کرتے۔
ہم معلومات کیسے استعمال کرتے ہیں
ہم معلومات صرف ان مقاصد کے لیے استعمال کرتے ہیں:
- سروس فراہم کرنا، چلانا اور بہتر بنانا، اور یہ سمجھنا کہ اسے کیسے استعمال کیا جاتا ہے؛
- آپ کے پیغامات اور درخواستوں کا جواب دینا؛
- یہ سمجھنا کہ رہنما آواز کون استعمال کرتا ہے، تاکہ اس کی ترقی کی منصوبہ بندی ہو سکے؛
- خبریں اور نئے ورژن بھیجنا، صرف اس صورت میں جب آپ نے سبسکرائب کیا ہو؛
- سروس کو محفوظ رکھنا اور غلط استعمال روکنا؛
- اپنی قانونی ذمہ داریاں پوری کرنا۔
ہم معلومات کسی انضمام، تنظیمِ نو یا منصوبے کی منتقلی کے جائزے یا عمل کے لیے، اور گمنام، مجموعی شکل میں تجزیے اور رپورٹنگ کے لیے بھی استعمال کر سکتے ہیں۔ ہم قانون کی مطلوبہ رضامندی کے بغیر مارکیٹنگ پیغامات نہیں بھیجتے، اور آپ انہیں کسی بھی وقت بند کروا سکتے ہیں۔
ہم معلومات کب شیئر کرتے ہیں
ہم آپ کی معلومات فروخت یا کرائے پر نہیں دیتے۔ ہم انہیں صرف ان صورتوں میں شیئر کرتے ہیں:
- سروس فراہم کنندگان کے ساتھ جو ہمارے لیے سروس کے حصے ہوسٹ کرتے یا چلاتے ہیں، اور ان پر انہیں محفوظ رکھنے کی ذمہ داری ہوتی ہے؛
- منصوبے میں ہمارے شراکت داروں کے ساتھ، جن پر اس پالیسی کی پابندی لازم ہے؛
- اگر منصوبہ کسی دوسرے ادارے کو منتقل ہو، تو آپ کی معلومات کسی مختلف پالیسی کے تابع ہونے سے پہلے ہم آپ کو آگاہ کریں گے؛
- جب قانون تقاضا کرے، مثلاً کسی عدالت یا سرکاری ادارے کی جائز درخواست پر، یا صارفین، عوام یا کمپنی کے حقوق، املاک یا تحفظ کے لیے؛
- آپ کی رضامندی سے، کسی بھی دوسرے مقصد کے لیے۔
ہم معلومات کب تک رکھتے ہیں
ہم ذاتی معلومات صرف اس وقت تک رکھتے ہیں جب تک اوپر بیان کردہ مقاصد کے لیے ضرورت ہو، اور کم مدت کو ترجیح دیتے ہیں۔ جہاں ممکن ہو، ہم انہیں جلد حذف یا گمنام کر دیتے ہیں۔ استعمال کا ڈیٹا، ایپ کے اعداد و شمار اور سرور لاگز سروس کی بہتری، سیکیورٹی کی نگرانی اور مسائل کے حل کے لیے زیادہ سے زیادہ چوبیس ماہ تک رکھے جاتے ہیں۔ ہم معلومات زیادہ مدت تک صرف تب رکھ سکتے ہیں جب قانون تقاضا کرے، کسی تنازعے یا قانونی دعوے کے حل کے لیے، یا آپ کی واضح درخواست پر۔ نقول کچھ عرصے تک انکرپٹڈ بیک اپ میں رہ سکتی ہیں، جب تک وہ معمول کے مطابق حذف نہ ہو جائیں۔
آپ کسی بھی وقت ہم سے پوچھ سکتے ہیں کہ ہم آپ کی معلومات کب تک رکھیں گے۔
معلومات کہاں محفوظ ہوتی ہیں
آپ کی معلومات آپ کے صوبے یا ملک سے باہر ایسے کمپیوٹرز پر پروسیس اور محفوظ ہو سکتی ہیں جہاں ڈیٹا کے تحفظ کے قوانین مختلف ہوں۔ معلومات جہاں بھی ہوں، ہم انہیں اس پالیسی کے مطابق محفوظ رکھنے کے لیے معقول اقدامات کرتے ہیں، اور انہیں صرف وہیں منتقل کرتے ہیں جہاں مناسب حفاظتی انتظامات موجود ہوں۔
آپ کے حقوق اور اختیارات
آپ ہم سے کہہ سکتے ہیں کہ:
- آپ کو بتائیں کہ ہمارے پاس آپ کی کون سی ذاتی معلومات ہیں؛
- کوئی غلط معلومات درست کریں؛
- آپ کی معلومات حذف کریں؛
- ای میل اپ ڈیٹس بھیجنا بند کریں۔
ہمیں support@rehnumaawaz.com پر لکھیں۔ جہاں قانون تقاضا کرے، ہمیں کچھ معلومات رکھنی پڑ سکتی ہیں۔
تحفظ
ہم آپ کی معلومات کی حفاظت کے لیے معقول تکنیکی اور انتظامی اقدامات کرتے ہیں۔ انٹرنیٹ پر معلومات بھیجنے یا محفوظ کرنے کا کوئی طریقہ مکمل طور پر محفوظ نہیں، اس لیے ہم مکمل تحفظ کی ضمانت نہیں دے سکتے، لیکن انہیں جتنا ممکن ہو محفوظ رکھنے کی کوشش کرتے ہیں۔
بچے
سروس سولہ سال سے کم عمر بچوں کے لیے نہیں، اور ہم جان بوجھ کر ان کی ذاتی معلومات جمع نہیں کرتے۔ اگر آپ والدین یا سرپرست ہیں اور سمجھتے ہیں کہ آپ کے بچے نے ہمیں ذاتی معلومات دی ہیں تو براہ کرم ہم سے رابطہ کریں، ہم انہیں حذف کر دیں گے۔ جہاں قانون رضامندی کے لیے زیادہ عمر مقرر کرتا ہے، وہاں ہم والدین یا سرپرست کی رضامندی طلب کر سکتے ہیں۔
دوسری ویب سائٹس
ہماری ویب سائٹ ان سائٹس کے لنک دیتی ہے جو ہم نہیں چلاتے، جیسے گوگل پلے، ایپ اسٹور اور سوشل میڈیا۔ ان پر ان کی اپنی پرائیویسی پالیسیاں لاگو ہوتی ہیں، اور ہمارا مشورہ ہے کہ آپ انہیں ضرور پڑھیں۔
اس پالیسی میں تبدیلی
ہم وقتاً فوقتاً یہ پالیسی اپ ڈیٹ کر سکتے ہیں۔ ہم نیا ورژن اسی صفحے پر شائع کریں گے، اوپر کی تاریخ اپ ڈیٹ کریں گے، اور اہم تبدیلیوں کی صورت میں ان کے نافذ ہونے سے پہلے ای میل یا ویب سائٹ پر واضح اطلاع کے ذریعے آپ کو آگاہ کریں گے۔
ہم سے رابطہ کریں
رازداری سے متعلق سوالات کے لیے:
- ای میل: support@rehnumaawaz.com
- فون اور واٹس ایپ: +92 341 5618895
- رابطہ فارم: rehnumaawaz.com/ur/contact